رد على اليهود

ول حاجه انا كنت ممكن ما اردش عليك لان ردى ده مش هو الى هيفهمك بس بقدر الامكان هحاول اعمل الى عليا لان ديننا بيامرنا بكده ان لو فى حد مش فاهم احنا نفهمه بسم الله الرحمن الرحيم "وادعو الى سبيل ربك بالحكمة والموعظة الحسنه "
احب اقولك ان الى بيحكم على حاجه لازم يدرس كل جوانبها قبل ما يتكلم فيها عشان عالاقل يتكلم وهو فاهم
لان عدم فهمك للاسلام خلاك مش محايد بمعنى انك اتكلمت عن الى بيفجروا نفسهم على ان هما دول المسلمين الى بيطبقوا دينهم صح مع ان الحقيقه مش كده دول ناس خرجوا عن دينهم واحنا بننتقدهم زايك بالظبط وعدد المسلمين حوالى مليار ونصف هل كلهم بيعملوا كده؟؟ اكيد لا
ارجع لايات القران ومناسبة نزول كل ايه منها هتلاقى ان الحرب فى الاسلام ليها شروط وضوابط
1 ان احنا مش بنقاتل غير الى يقاتلنا دفاعا عن انفسنا لان مش المطلوب مننا اننا نسكت ونسيب المحتل يدمر فينا عشان مسلمين
2 فى بداية رسالة الاسلام كانت الدعوة للاسلام تبدا بعرض الاسلام على الناس ولكل واحد حرية اختيار دينه فمن شاء امن ومن شاء بقى على دينه يعنى كان الانسان بيختار دينه بمنتى الحرية الا ان الى كان بيفضل على دينه كان بيدفع للمسلمين دينار او اثنين مقابل حمايتهم
3والحاله التالته محاربة اى محاولة عدوانية من الخارج لتامين حدود الدولة
ولمعلوماتك سبدنا محمد صلى الله عليه وسلم غزا فى حياته 27 غزوة فى مدة رسالته اللى استمرت 23 سنه
خلال المده دى عدد القتلى كانوا بالعشرات مش بالمئات ولا بالالاف فى حين ان الى ماتوا فى الحرب العالميةكانوا خمسين مليون بنى ادم
ولو قريت فى تاريخ الاسلام كويس هتعرف ان فى طائفه من المسلمين خرجوا عن الصواب وهما الخوارج اتهموا الجميع بالكفر وهما الى امتدادهم موجود لحد النهارده الى بيقتلوا فى الناس ويتهموهم بالكفر ومش بيفرقوا بين مسلم وغير مسلم ولا مسالم ولا مقاتل دووول بنسميهم خوااارج يعنى مش يصح نقيس الاسلام والمسلمين بالجماعه دى لكن ممكن نقيمهم هما بعيدا عن الاسلام ونقول انهم اخطأوا
كده باقى حاجتين عاوزه اناقشهم اولا مين هو الله الى بتناديه ب ( يا سيد ) وتصفه استغفر الله العظيم ب( الخاطبة) ومين هو محمد الى بتوصفه ب(نبى العرب )
ربنا سبحانه وتعالى الى بنعبده (ليس كمثله شئ ) وهو منزه عن كل نقص وان قولنا له يا سيد شئ معيب لان السياده بتحوز على البنى ادمين وده ما ينفعش لله الى خلقنا
ومسالة الخطبه ربنا مش بيشغله شئ عن شئ يعنى هو مع كل مخلوق زى ما هو مع غيره فى وقت واحد
اما بقى مسألة زوجات النيى صلى الله عليه وسلم نرد عليها ان حياة الانسان وتحركاته كلها مع الله يعنى مش بيخطى خطوة الا وليها فى كتاب الله مرجع واحنا بنصلى صلاة استخاره لما ننوى عالزواج او الطلاق او البيع والشراء يبقى ازاى قرار زواج الرسول ما يكونش بامر من ربنا وكان فى كل مرة فى زواجه حكمه يعنى مثلا زواجه من السيده زينب كان لابطال عادة التبنى وغيره
غير كده ايام العرب قبل الاسلام كانوا بيتزوجوا بدون قيود اى عدد من الزوجات لكن فى حاله النبى صلى الله عليه وسلم ربنا حدد له زوجاته الى هما امهات المؤمنين
يعنى كده اصلا تقييد للرسول صلى الله عليه وسلم فى عدد الزوجات
وبالنسبه لينا احنا المسلمين نحترمك كيهودى وبنحترم دينك وبنحب نبيك سيدنا موسى عليه السلام
وبنص الايه القرانيه "لانفرق بين احد من رسله "
كل الانبياء احنا بنحبهم وليهم فى قلوبنا مكانه عاليه فما بالك بسيدنا محمد الى بتتكلم عنه كده ؟؟؟


,.-~*'¨¯¨'*·~-.¸-(_ سكره مصريه _)-,.-~*'¨¯¨'*·~-.¸